Ficha 8

 

Ficha 8: HOXE DAMOS A CLASE NÓS

Nesta octava e derradeira ficha do Quérote+ os obxectivos son:

• Asimilar conceptos e concretalos para servir de ponte cos/coas compañeiros/as de 2º da ESO do centro ou cursos análogos.
• Reflexionar sobre a importancia de como transmitimos e cales son as pautas para facelo.

Foi impartida durante o mes de xuño por Laura Horta Romarís, profesora do departamento de Física e Química.

A adquisición e asentamento de novos coñecementos ven apoiada pola capacidade de transmisión desa mesma información no grupo de iguais.

Nesta ocasión tres grupos de 3º ESO elaboraron diferentes materiais coa finalidade de introducir os temas abordados durante todo o ano no programa Quérote+ nos compañeiros de 2º da ESO. 

Cada un dos grupos elaborou os seguientes materiais:

• Unha presentación. 
• Un póster que se fixou no taboleiro das aulas.

Para elaborar os materiais adicáronse 3 sesións na aula de informática e as presentacións nas aulas de 2º ESO A,B e D tiveron lugar os días 16 e 19 de xuño.

Durante as exposicións os grupos puxeron casos prácticos nos que se analizaban mitos sobre a educación sexual e sobre relacións tóxicas. Os rapaces e rapazas de 3º ESO encontraron moi satisfactoria a experiencia de expoñer e resolver dúbidas plantexadas.

Ficha 7

 

Ficha 7: ACONCEPCIÓN E CONCEPCIÓN

Nesta séptima ficha do Quérote+ os obxectivos son:

• Contribuír ao coñecemento da erótica persoal.
• Potenciar o uso do preservativo como método de protección ante os embarazos non planificados e as ITS

Foi impartida na materia de Proxecto Competencial por María José Rivas Díaz e Abel Fernández Maroño, profesores do departamento de Xeografía e Historia, empregando a seguinte unidade didáctica:

  

Ficha 6

 

Ficha 6: CULTIVANDO HABILIDADES

Nesta sexta ficha do Quérote+ os obxectivos son:

• Aprender a identificar e responder de maneira axeitada á presión de grupo.
• Analizar alternativas de solución cando nos sometemos á presión negativa.
• Favorecer a comunicación entre o grupo.

Foi impartida durante o mes de abril por Sabela Prieto González, profesora do departamento de Lingua castelá e Literatura .

Para o desenvolvemento desta actividade, o alumnado sentouse en círculos e dous voluntarios foron representando diferentes situacións nas que unha persoa exerce presión sobre a outra. 

Empregáronse os exemplos propostos no material e, segundo xurdía na conversa, engadíronse novas conversas sobre novas situacións.

SITUACIÓNS PLANTEXADAS:

1. Ante os comentarios despectivos pola foto dunha rapaza con pelos na axila, houbo dúas posturas: 

• A meirande parte do alumnado defendería o dereito de cada persoa a tomar decisións físicas sobre o seu corpo, rexeitando ese tipo de comentarios, 
• Unha minoría só intervirían para defender á compañeira se é unha amiga ou familiar, é dicir, non participarían da conversa se a outra persoa non lles importa ou lles cae mal. 

Reflexionamos sobre o tema e a necesidade de cortar este tipo de conductas.

2. Na segunda situación, pedimos a un dos alumnos que presione á súa parella para ter relacións sexuais cando ela todavía non está preparada, insistindo con argumentos como que todo o mundo da súa idade xa o fixo ou dudando do seu amor e compromiso. 

• Ante esta situación, todos concordan en que xamais farían iso e sempre esperarían a que a súa parella estivera preparada para manter relacións sexuais. 
• O alumnado de 3º concorda en que aínda é pronto para manter relacións sexuais completas e entenden a necesidade de esperar a que ambas partes da parella estean preparadas. Din que non teñen présa, que para eles non é cedo nin tarde, que iso se dará cando se teña que dar xa que cada un precisa o seu tempo, e non presionarían ás súas parellas. Manifestan que lles daría igual esperar meses ou anos e entenden a importancia de non presionar a outra persoa e as consecuencias negativas que isto podería ocasionar.

3. Falando do consentimento nas relación sexuais e da non presión, xorde a cuestión do que farían se están liándose cunha rapaza borracha ou que non está nas súas plenas facultades. 

• Neste caso, a maioría non ben mal ter relación sexuais con ela, porque entenden que son consentidas. 
• Só un rapaz ten claro que xamais faría tal cousa e que pediría un taxi ou acompañaría á rapaza á súa casa, asegurándose do seu benestar. 

Ante estas afirmacións, insistimos sobre a necesidade de que ambas partes da parella estean en plenas facultades cando decidan manter relación sexuais.

4. Na seguinte situación, ante a petición da parella de facerse unha tatuaxe dos seus nomes como mostra de amor:

• Todos rexeitan a idea e teñen claro que non o farían e aguantarían a presión sen ceder, pois o amor non precisa demostrarse con probas deste tipo e as tatuaxes son algo que un debe pensar moito, pois son para toda a vida.

O mesmo ocorre ante a insistencia para que proben un porro: ningún dos presentes fuma, son deportistas e non queren probalo, así que teñen claro que non o farían aínda que llo propuxera un amigo ou a persoa que lles gusta. 

Parece que os rapaces teñen moi claras as súas conviccións e estas sesións servíronnos para falar de temas moi interesantes e para afianzar as súas ideas.

Ficha 5

 

Ficha 5: A RELACIÓN DOS SEXOS A TRAVÉS DA TECNOLOXÍA

Nesta quinta ficha os obxectivos son:

• Potenciar a actitude crítica e reflexiva na toma de decisións.
• Posibilitar un uso da tecnoloxía dun xeito responsable e positivo.
• Reflexionar sobre o uso da tecnoloxía nas relacións persoais.

Foi impartida durante o mes de marzo polos docentes: Sara Pajón Soto, profesora do departamento de Francés, Carlos Montes e Mónica Picos, profesores do departamento de Tecnoloxía.

Na clase de francés segunda lingua estranxeira desenvolvéronse unha serie de actividades que nos permitiron abordar as relacións dos e das adolescentes coas novas tecnoloxías.

En primeiro lugar, dedicamos unha primeira sesión a introducir os conceptos de acoso e ciberacoso, posibilitando que o alumnado aportase os seus coñecementos sobre o tema e aclarando as súas dúbidas. Para iso fixemos unha posta en común inicial, que representamos na pizarra, como se mostra na seguinte imaxe:

Unha vez definidos os conceptos e aclaradas as dúbidas, valoramos posibles maneiras de protexerse en internet en xeral e nas redes sociais en particular, para o que o alumnado propuxo varias ideas, logo postas por escrito en forma de traballo. Velaquí algunhas das súas propostas:

  

   

Na clase de Educación dixital a actividade desenvolveuse en dúas partes:

1. Reflexión e diálogo a través dun documento con vídeos e preguntas onde se presentan situacións a partir das que establecer un debate na aula. (enlace ó documento). Tratáronse:

• As diferenzas entre a comunicación oral e a comunicación a través das redes sociais. Destacouse a importancia do tono de voz, a expresión e o contacto físico como vantaxes da comunicación en persoa e as diferentes interpretacións que se poden facer dunha mesma conversa e que pode levar a malos entendidos nas redes sociais.
• A importancia que se lle da, en xeral, ó “doble-check” en whatsapp.
• A privacidade dos datos persoais/contraseñas.
• Repasamos conceptos como ciberbulling e sexting así como a influencia que pode ter a pornografía a través de Interet na vida afectiva real.

2. Elaboración de carteis informativos sobre as reflexións feitas na sesión anterior. Algúns dos traballos son:

            

   

   

   

Ficha 4

 

Ficha 4: O MODELO DE AMOR ROMÁNTICO

Nesta cuarta ficha os obxectivos son:

• Analizar as mensaxes vencelladas ao modelo de amor romántico.
• Visualizar a realidade da diversidade de formas de vivir e expresar o amor. Potenciar as relacións igualitarias e respectuosas entre os sexos.

Foi impartida pola profesora Beatriz González-Moro Galán, profesora de Lingua galega e Literatura.

Aproveitando que tradicionalmente o mes de  febreiro é o "mes do amor", xa que se celebra o día de San Valentín, adicamos unhas xornadas ao concepto de "amor romántico" co alumnado de 3º ESO, dentro do programa Quérote da Consellería de Educación.

Comezamos coa procura da resposta a QUE É O AMOR ROMÁNTICO? e logo vimos uns vídeos nos que se exemplificaba o proceso polo que se chega á anulación da personalidade nunha parella tóxica.

As reflexións dos alumnos facían fincapé nos estereotipos dos medios de comunicación e das películas e moitos deles negaban que existise o ideal de amor romántico.

FICHA 3

 

  

Ficha 3: A ORIENTACIÓN DO DESEO E A IDENTIDADE SEXUAL

Nesta terceira ficha os obxectivos son:

• Potenciar a convivencia respectuosa e harmónica entre os sexos na súa diversidade.
• Contribuír á eliminación de calquera tipo de discriminación por cuestión de identidade e/ou orientación sexual.
• Favorecer a comprensión dos conceptos de identidade e orientación por parte do alumnado.
  

Esta ficha foi impartida polas profesoras Eva Vérez Cotelo, profesora de Educación Plástica e Visual,  Sabela Prieto González e María Jesús Prol Gómez, profesoras de Lingua castelá e literatura.

En 3ºA e 3ºC , comenzouse coa visualización do vídeo "¿Qué es la orientación sexual? Explicación fácil" no que se explica a diversidade sexual partindo da idea de que o ser humano é un ser sexuado (con órgano sexual) e aclarando os conceptos máis importantes: sexo biolóxico, identidade sexual, orientación do desexo ou orientación sexual e expresión de xénero. 

Trala visualización do vídeo, puxéronse en común todas as dúbidas creando así un debate moi produtivo e interesante para o alumnado, posto que non tiña clara a diferenza entre os diversos conceptos nin a relación existente entre eles. A idea fundamental que extraemos deste vídeo é o respecto á diversidade.

Posteriormente, visionouse “Love has no labels”, vídeo onde distintos esqueletos humanos amosan os diversos tipos de amor. 

Fñixose de forma conxunta unha recopilación dos distintos amores que recoñecemos e reflexionamos sobre os inexistentes límites do amor.

En 3º B e 3ºD, despois da visualización do primeiro vídeo, o alumnado estivo discriminando frases tránsfobas de outras mais inclusivas e xustificando a sú eleción en pequeños grupos.

      

Frases empregadas:

  

 Finalmente, cós conceptos establecidos e a colaboración de Eva Vérez, o alumnado adicou catro sesión a crear carteis que amosen respecto cara a diversidade sexual.

 

  

        

     

Ficha 2

 

Ficha 2: A EDUCACIÓN SEXUAL

Nesta segunda ficha os obxectivos son:

• Contribuír aos procesos de sexuación de mozos e mozas dun xeito positivo.
• Achegar e clarificar conceptos relacionados co feito sexual humano.
• Ampliar a visión da sexualidade no alumnado que favoreza actitudes e condutas saudables e respectuosas.
• Abrir unha canle de comunicación co profesorado respecto das dúbidas referentes á sexualidade que haxa na aula.

Foi impartida pola profesora María del Carmen Rodríguez García, profesora de Xeografía e Historia o último día antes das festas do Nadal, o 22 de decembro.

Para facer a tarefa máis participativa, creamos entre tod@s a definición a través dunha treboada de palabras. Nas seguintes fotos pódense ver algunhas das ideas que xurdiron nas aulas:

A partir das palabras construímos as definicións. Estos son algúns dos exemplos:

A profesora observou que os rapaces e rapazas tiñan unha visión da sexualidade circunscrita ao coito e á interacción entre dúas persoas.

Debatemos sobre a definición proposta pola clase e tentamos despois ampliala con novas ideas tiradas da definición de sexo que está no diccionario.

A docente, para tentar ampliar a noción de sexualidades do alumnado, proxectou varios vídeos breves:

1. Mitos que tienen los adolescentes sobre el sexo - YouTube que trata sobre mitos da sexualidade entre adolescentes. Por exemplo: pensar que a píldora do día despois é abortiva, que no sexo oral non se transmiten enfermidades ou que na primeira relación sexual non se poden quedar embarazadas.
2. (148) La importancia de las primeras relaciones sexuales - Carlos García Molinero - YouTube que trata sobre a importancia das primeiras relacións sexuais. Para iso baseábase nunhas investigacións feitas con ratas, nas que demostraban que as ratas macho que tiñan a súa primeira relación sexual cunha rata cun determinado olor (aínda que este foso a cadaverina, proteína dos cadáveres), buscaban sempre ese olor.