TI+EUO desenvolvemento afectivo-sexual Quérote+Plan Proxecta IES P Eusebio da Guarda

martes, 5 de abril de 2022

Ficha 5 : A RELACIÓN DOS SEXOS A TRAVÉS DA TECNOLOXÍA

Dentro da materia de Tecnoloxía traballouse a ficha 5 nos grupos 3ºA, 3ºB, 3ºC, 3ºD, 3ºE e 3ºV cos seguintes obxectivos:

· Potenciar a actitude crítica e reflexiva na toma de decisións

· Potenciar o uso da tecnoloxía dun xeito responsable e positivo

· Reflexionar sobre o uso da tecnoloxía nas relacións persoais.

A actividade desenvolveuse a través dun documento con vídeos e preguntas onde se presentan situacións a partir das que establecer un debate na aula. (ver vídeo adxunto)

Reflexionamos sobre:

1. As diferenzas entre a comunicación oral e a comunicación a través das redes sociais. Destacouse a importancia do tono de voz, a expresión e o contacto físico como vantaxes da comunicación en persoa e as diferentes interpretacións que se poden facer dunha mesma conversa e que pode levar a malos entendidos nas redes sociais.

2. A importancia que se lle da ó “doble-check” en whatsapp.

3. A privacidade dos datos persoais/contraseñas.

4. Repasamos conceptos como ciberbulling e sexting.

martes, 22 de marzo de 2022

Ficha 4: O modelo de amor romántico.

Nos grupos 3ºA, B,C,D e E estivemos falando da noción de amor romántico en varias sesión da materia Lingua galega e literatura. Puxémolo en relación cos tópicos literarios, tamén presentes noutras disciplinas artísicas, e a súa trasposición á realidade. Falamos do tratamento do amor idealizado nas cantigas de amor da lírica medieval galego-portuguesa (ligado á concepción platónica do ser superior) e no movemento artístico precisamente denominado así, romanticismo.

Practiamos a oralidade con coloquios sobre os contidos dos microdocumentais ofrecidos nas fichas da unidade. No debate abrollaron distintas valoracións sobre os feitos recollidos neles, mais sempre conscientes das toxicidades recollidas. Nos grupos D e E realizamos un role-play representando finais ou versión alternativas para esas mesmas pezas, das que achegamos foto.

En 3ºA analizamos un conflito amoroso que se produce no libro de lectura Europa Expres, de Andrea Maceiras, desde o prisma do que deben ser as boas prácticas nas relacións de parella.

En 3ºE buscamos as semellanzas entre os contidos da Ficha co libro Diario violeta de Carlota,que rematamos este trimestre.